Հայաստանում Ճապոնիայի արտակարգ և լիազոր դեսպան  Ջուն Յամադան << Արմենպրես >> - ի մամուլի սրահում այսօր հանդիպել է լրագրողների հետ: Նա ասել է, որ Տոկիոն գրեթե պատրաստ է  հուլիսի 24 –ին մեկնարկող  օլիմպիական  խաղերին: Դեսպանը հիշեցրել է 1964թ. իր երկրի մայրաքաղաքում անցկացված ամառային օլիմպիական խաղերի և 2011թ. Ճապոնիային միաժամանակ << խոցած >> երկրաշարժի և ցունամիի մասին: Այժմ  բնության պատճառած աղետներից գրեթե  հետք չի մնացել:

Անդրադառնալով մարզական ոլորտում Հայաստանի և Ճապոնիայի համագործակցությանը, Յամադան ասել է, որ օլիմպիական խաղերից հետո Հայաստանի ըմբշամարտի հավաքականը կհյուրընկալվի Ճապոնիայի Մինամիայզու քաղաքում: Դա պայմանավորված է նրանով, որ Հայաստանում մարզաձևը  հարուստ ավանդույթներ ունի: Իսկ Մինամիայզու քաղաքի բնակիչները սիրում են այդ մարզաձևը:

Յամադան շեշտել է, որ իր երկիրն անելու է ամեն ինչ` խաղերը  բարձր մակարդակով անցկացնելու համար:

Աշխարհում տարածվող կորոնավիրուսի մասին խոսելով, Ջուն Յամադան  հույս է հայտնել, որ մոտեցող գարնան հետ վիրուսը կնահանջի:

Տոկիոյի ամառային օլիմպիական 32 –րդ խաղերի մեկնարկին մնացել է 164 օր: